Энг яқин ҳамкорлар — Эрон ва Исроилнинг ўтмишдаги дўстлиги суратларда

Эрон дипломати Ризо Саффиния 1950 йилда Тель-Авив яқинида жойлашган Исроилнинг илк президенти Хаим Вайцманнинг қароргоҳига кирар экан, исроиллик аскарларга салом бераяпти.1950 йилда Эрон янги ташкил топган яҳудий давлатини норасмий тан олиб, араб қўшниларидан фарқли йўл тутган эди.

Исроилнинг илк бош вазири Давид Бен Гурион (чапда) 1950 йили Қуддусда Эрон делегацияси томонидан ўтказилган қабул маросимида эронлик дипломат Ризо Саффиния (йўл-йўл костюмда) билан учрашяпти.Кейинчалик Теҳрон ва Тель-Авив ўртасида кунлик авиақатновлар амалга оширилади. Қолаверса, Эрон ва Исроил яширин равишда қўшма ракеталар тизимини ишлаб чиқиш устида ҳам ҳамкорлик қилишган.

Исроил аэродромида Эронга йўл олаётган юк самолётига сигирлар юкланмоқда. 1965 йил.Исроил Эрон нефтидан фойда кўрган бир пайтда, Теҳрон Исроилнинг қишлоқ хўжалиги ва ҳарбий технологиялар борасидаги тажрибасини ўрганган.

1971 йилда Тель-Авив шимолида жойлашган Бейт Берл таълим муассасасида Яқин Шарқ ва Африкадан келган эркаклар қишлоқ хўжалиги бўйича маъруза тингламоқда.

1950-йилларда Эрондаги яҳудий тўй маросими. Маросимни мамлакат бош раввини Шломо Коэн Цедек (ўртада, ўнг томонда) бошқармоқда.Гуруҳ орқасидаги ибронийча ёзувда Қадимий Аҳддан иқтибос келтирилган: “Хотининг уйингда узум дарахтидек бўлса, фарзандларинг дастурхонинг атрофида зайтун новдалари каби.”

1965 йил август ойида Тель-Авив шаҳрида бўлиб ўтган еттинчи Маккабия ўйинлари пайтида исроиллик ва эронлик курашчилар беллашмоқда. Бу мусобақа ҳар тўрт йилда бир марта ўтказилади ва дунёнинг турли бурчакларидан яҳудий спортчилар иштирок этишади.Яҳудийлар Эронда минг йиллар давомида яшаб келган. 1970-йилларда мамлакатда қарийб 100 минг яҳудий истиқомат қилган. 2012 йилга келиб, уларнинг сони 8 756 нафаргача камайган.

Исроиллик сураткаш Бенно Ротенберг томонидан 1968 йилда олинган суратда қадимги Форс империясининг пойтахти бўлган Персеполис харобалари акс этган.

1975 йилда Эрон ёқилғи танкери Исроил портларидан бирига етиб келмоқда.1967 йилдаги Олти Кунлик Урушдан сўнг араб мамлакатларининг Исроил ва унинг иттифоқчиларига нисбатан душманлиги халқаро нефть инқирозини келтириб чиқарди. Ўша вақтда Эрон нефти Исроил учун ҳаётий аҳамиятга эга бўлган эди.

1950-йилларда Эроннинг ғарбидаги Шатт ал-Араб дарёси яқинида исроиллик сайёҳ (чапда) маҳаллий ишчилар билан.1979 йилги инқилобдан аввал Эронда яшаган яҳудийлар Шоҳ режимининг ўз халқига нисбатан таъқиблари билан унчалик қизиқмаганликларини эслашади. “Улар шикоят қилмасди, биз эса аралашмасдик”, дейди ўша давр ҳақидаги ҳужжатли фильмда сўзлаган яҳудий эркак. “Кўр-кўрона яшамаганмиз, қандай ҳаёт кечираётганимизни яхши билардик, лекин бу бизнинг ишимиз эмасди”, деб қўшимча қилган у.

Исроиллик сураткаш Бенно Ротенберг томонидан 1968 йилда олинган ушбу суратда Эроннинг Гилон вилоятида иш олиб бораётган номаълум археологлар акс этган.

1963 йилда Қуддусда ўтказилган китоб кўргазмасида Эрон нашрларига бағишланган стенд.

Исроилнинг Ҳайфа шаҳрида бўлиб ўтган Жаҳон шахмат олимпиадасида Эрон шахмат жамоаси (чапда) АҚШ терма жамоасига қарши ўйнамоқда. 1976 йил.